المياه الزرقاء في نقط سريعه ومختصرة :

*ليست مياه لونها ازرق داخل العين . التسميه جت من انها لما بتيجي في الأطفال بياض العين بيكون مائل للون الازرق .

*هي ارتفاع في ضغط العين الداخلي بيؤدي لضرر في العصب البصري.

*فيه سائل متجدد داخل العين بيتم إفرازه وصرفه بشكل مستمر . لو حصل خلل في دايرة الانتاج والصرف أدت لازدياد كمية السائل ده بيؤدي لارتفاع ضغط العين الداخلي.

*من مسببات فقدان البصر .

*تأثيره بيكون على دقة النظر وعلى مجال الرؤيه .

*ضغط الدم حاجه وضغط العين حاجه تانيه .

*اوقات بيحصل خلل تكويني في الأطفال حديثي الولادة. ووقتها لازم يتعالج بسرعه .

*لما بيحصل في حديثي الولاده بيسبب تمدد في العين وبيبقى حجمها اكبر من الطبيعي خاصة القرنيه .

*بييجي بأعراض متفاوته زي صداع خفيف او تدهور تدريجي في الرؤيه .

*من مسبباته قطرات الكورتيزون خاصة لو تم استخدامها بدون اشراف طبي.

*ممكن المياه البيضاء لو تم اهمالها لفتره طويله تؤدي لمياه زرقاء .

*عامل الوقت مهم جدا في علاجه . واي تأخير ممكم يؤثر على النظر بشكل دائم.

*معرفة تأثيره بشكل دقيق على العصب غالبا بيحتاج أشعه عالعين.

*علاجه واسع ومختلف حسب مسبباته وحسب نوعه . من اول علاج طارئ لو الضغط عالي جدا. وعلاج السبب ان وجد .

*لو المريض تم التحكم في الضغط بقطرات فقط ممكن يستمر عليها مدى الحياه مع المتابعه الدوريه.

*ممكن نحتاج لتدخل جراحي من اول عمل فتحات بالليزر لصرف الضغط الزائد لحد عمل قناه جراحيه داخل العين تساعد عالصرف.