شبكية العين: The Retinaهي طبقة كامله بتبطن العين.بتاخد من لون الطبقة اللي تحتها اللي مليانه أوعية دموية .
بتتكون نفسها من ١٠ طبقات .قدامها علاطول في الفراغ الكبير اللي جوا العين سائل هلامي اسمه السائل الزجاجي.فيها مستقبلات للصور والالوان.تعتبر الجزء المسؤول عن استقبال الصورة وتحويلها لاشارة عصبيه .عشان العصب البصري ياخدها للمخ يترجمها .
أي خلل فيها بيؤثر على حدة الابصار وبيأثر على مجال واتساع الرؤيه.أشهر حاجه حاليا بتأثر عليها هي أمراض الاوعية الدمويه زي السكر والضغط.
ومهم اي مريض سكر او ضغط يعمل فحص دوري ليها.بنقدر نفحصها مبدأيا بقطؤة توسيع وفحص قاع عين في العيادة.. بس اوقات بنحتاج تصوير بالصبغه او تصوير مقطعي لطبقاتها .أي ضرر فيها بيحتاج تدخل سريع لأن اي تأخر في علاجها بيخلي نتيجته أقل للأسف.
من أهميتها وتفاصيلها وتنوع طرق العلاج واوقات صعوبته مخللي ليها تخصص كامل في طب وجراحة العيون. عشان كده مهم اي مرض فيها يكون اللي بيعالجه طبيب عيون تخصص شبكيه.
