ضبابية وزغللة الرؤية في صيام رمضان

أثناء رمضان ومع الصيام بتظهر شكوى مستمرة من زغللة او عد وضوح في الرؤية

طبعا اغلب الناس بتلجأ لطبيب العيون في المشكلة دي

والأغلب بعد الفحص بنكتشف ان المشكلة مرتبطة بالصيام وليست ضعف نظر معتاد او مقاس نظارة محتاج يتغير

طيب ايه اشهر أسباب زغللة العيون او الضبابية في الرؤية أثناء الصيام ؟

أول سبب ممكن نشك فيه هو ضغط الدم ..

ضغط الدم لما بينخفض بيأثر بالتبعية على الرؤية بشكل مؤقت .. وبيزيد لما بيكون الشخص جالس او نايم ويقف مرة واحده.

وحدوث ارتفاع في ضغط  العين ممكن يؤدي لتبعات سلبيه في العين.

بعد كشف العيون لما نتأكد ان العين والشبكية سليمة بننصح بمتابعة طبيب باطني لعلاج الضغط .

ثاني سبب محتمل هو وجود مشاكل في السكر في الدم ..

السكر ارتفاعه او نزوله بشكل غير طبيعي بيأثر بشكل ضار جدا عالشبكية وممكن يغير مقاس النظارة بشكل مؤقت.

وده وارد يحصل مع الصيام بسبب اختلاف نظام العلاج مع نظام الأاكل.

مهم جدا نطمن عاالشبكية والنظر .. ومهم جدا متابعة قياس السكر مع طبيب الباكنه المختص .

ثالث سبب وارد هو الجفاف نتيجة قلة شرب الماء .

ده ممكن يأثر على رطوبة العين ولمعة القرنية وصحة الجهاز الدمعي.

مهم وقتها شرب الماء بشكل كافي أثناء الفطاروالسحور

وي حالة استمرار المشكلة بنستخدم قطرات مرطبة بديلة للدموع .

آخر حاجه مهم ننبه عليها ان ممكن يصدف وجود مشكلة في العين تحديدا ويشتكي منها الشخص أثناء الصيام في رمضان زي ضعف نظر محتاج نظارة او وجود مياه بيضاء او مياه زرقاء تحتاج تدخل طبي .

حكيم العيون

دكتور إبراهيم عبداللطيف

** جميع معلومات الموقع بغرض التثقيف والوعي الصحي العام ولا تغني عن الكشف الطبي المباشر .