قطرات العين استخداماتها كتير
فيه قطرات ترطيب
وقطرات حساسية
وقطرات لارتفاع ضغط العين
واغلب القطرات بيكون من اوقات استخدامها فترة النهار واثناء اليوم
وبيكون وقت النوم غالبا مقتصر عالمراهم
ومن هنا بيقابلني أسئلة سنويا قبل رمضان لمستخدمي القطرات :
** “” يادكتور القطرة بتفطر ؟””
** “” ينفع احط القطرة بالليل بس عشان الصيام ؟ “”
** “” لو بلعت القطرة هفطر ؟ “”
ويمكن في ناس مايفرقش معاها بالنسبة لحالتها انها متحطش القطرة وقت الصيام .. بس للأسف في حالات كتير لو ماستخدموش القطرة بانتظام وقت النهار وأثناء الصيام ممكن يحصل ضرر على العين او مفعول العلاج يكون أضعف.
عشان كده بحب اطمن الناس دايما وأأكد عليهم ان في شبه اجماع من علماء الاسلام في مصر والسعودية بفتاوى رسمية ان استخدام القطرات طبيا للضرورة في نهار رمضان لايبطل الصيام حتى لو نزل منها جزء خلف الانف وتم بلعه .
لنك للفتوى من موقع دار الإفتاء المصرية
https://www.dar-alifta.org/ar/ViewFatwa.aspx?sec=fatwa&ID=11110
لنك فتوى فضيلة الشيخ عبدالعزيز بن باز – رحمه الله – المفتي العام للمملكة العربية السعودية سابقا
وبالتالي مافيش اي حرج لاستخدام قطرات العين طبيا في نهار رمضان
وصوما مقبولا
دكتور ابراهيم عبداللطيف
حكيم العيون
